Tuesday, April 10, 2018

ՆԱԻՐԻՏ-ի վթարի համար պատասխանատու է Սանդոյանների ընտանիքը

Նաիրիտ գործարանը բազմիցս է հայտնվել արտակարգ իրավիճակներում։ Միայն վերջին մի քանի տարում, այն երկու անգամ խոշոր հրդեհների միջոցով է անցել, որոնց համար այդպես էլ ոչ ոք չպատժվեց։ Ավելին՝ ոչ ոք չհիշատակեց մի շարք կարևորագույն փաստերի մասին, որոնք կարող էին լույս սփռել եղելության վրա։ Պատճառն անուններ են՝ կոնկրետ մարդկանց, կոնկրետ անուններ, որոնց հետևում այլ անուններ են։

Օրինակ՝ գիտե՞իք արդյոք, որ ՆԱԻՐԻՏԸ տեխնիկապես վերահսկվում է «ԴԱՄԻ» ընկերության կողմից, որը ստեղծվել է հատուկ այդ նպատակով։ Առաջին հայացքից, ոչ մի ուշագրավ բան չկա սրանում, եթե չհաշվենք այն, որ հատուկ ՆԱԻՐԻՏԻ վերասկողության համար ստեղծված ընկերությունը բացարձակ անպետք էր դուրս եկել նույն հրդեհների օրինակով։ Ուշագրավը սակայն այն է, որ այս ընկերությունը հիմնել են ՆԱԻՐԻՏԻ ղեկավարներից՝ Ռաֆայել Սանդոյանի որդին՝ Միքայել Սանդոյանը և ոմն Դավիթ (նախկին վարչապետ՝ Տիգրան Սարգսյանի զարմիկը)։

Սխեման հուշում է, որ գործ ունենք ամենասովորական «Պոզերի ու Սմբակների» կանտորայի հետ, որի միջոցով լվացվում էին ՆԱԻՐԻՏԻ փողերը։ «ԴԱՄԻ» ընկերությունն ուներ համապատասխան ստուգումներ ու սպասարկում իրականացնելու լիցենզիա, և գործարանի տեխսասարկման տենդերը միշտ հաղթում էր հենց Սանդոյան կրտսերի ընկերությունը, պարզ է՝ հոր թեթև ձեռքով։ Բնականաբար՝ ոչինչ չէր արվում ու բնականաբար՝ այս ստահակները չէին ցանկանում բավարարվել միայն ՆԱԻՐԻՏ-ից օդից փող քերելով, ու այստեղ մոտենում ենք մյուս ուշագրավ փաստին։

Մյուս ուշագրավ փաստը նա է, որ այս նույն ընկերությունը, որը բացարձակ անպետք էր՝ ՆԱԻՐԻՏԻ տեխնիկական վերահսկման մասով, պարզվում է՝ մի շարք գազալցակայանների ստուգումներ էլ է իրականացրել ու եզրակացրել, որ ամեն բան կարգին է։ Թերևս անակնկալ մատուցած չեմ լինի, եթե ասեմ, որ այդ գազալցակայաններից շատերը արժանացել են նույն ճակատագրին, ինչ ՆԱԻՐԻՏ-ը՝ հրդեհներ, պայթյուններ, տուժողներ․․․ Միակ բանը, որ չի եղել՝ պատասխանատվության ենթարկվածներն են։ Կարիք կա՞, բացատրելու, թե ինչու վթարվեց ՆԱԻՐԻՏԸ և ում անխոնջ վերահսկողության համար ենք պարտական այս տխուր վիճակի համար։

Monday, March 12, 2018

Երբ փաստաբանը քֆրչի է, իսկ քննիչը՝ գողական քֆրչի


Երեկ երեկոյան աչքս ծակեց մի ֆեյսբուքյան գրառում, որի բովանդակությունը պարզապես էլեկտրահարեց ինձ՝ հաշվի առնելով, թե ով էր հեղինակը, իսկ մեկնաբանությունները կարդալուց հետո կարելի էր արդեն հետողորմյա անել ինձ։ Երկար-բարակ չպատմեմ, ահա՛ բուն գրառումը․․․


Անիրազեկ մարդուն կարող է թվալ, որ փողոցային մեկի գրառման հետ գործ ունի ու զարմանալի ոչինչ չկա, բայց խնդիրն այն է, որ գրառման հեղինակը Փաստաբանների պալատի ըմբոստ անդամ է, որը ոչ ավել, ոչ պակաս առաջնորդում է ընդդիմացող 30 փաստաբանների ճամբարը։ Ու փաստորեն ստացվում է ի՞նչ․․․ մարդ, ով օրենքի ու օրինականության գիտակ ու ջատագով պետք է լինի, համարում է, որ օրինակ՝ բանկիրը վաշխառու է ու դա էլ հերիք չէ՝ ծնող հայհոյելու մակարդակի է իջնում։ Գուցե պատվարժան Տիգրան Աթանեսյանը մոի քրիստոնյա է, իսկ քրիստոնեությունում տոկոսով փող տալն իրոք վաշխառություն է կոչվում ու համարվում է մեղք, բայց մի տեսակ դժվար է համադրել եռանդուն քրիստոնյայի կերպարը՝ քֆրչի կոշկակարի բառապաշարի հետ․․․ Ինչևէ, համրենք, որ պարոն Աթանեսյանը պարզապես քֆրչի քրիստոնյա է, ով այն աստիճան է ատում այդ մեղքը, որ չի խորշում հանրային տարածքում հայհոյախառը բառապաշար կիրառել, բայց այն, ինչ կատարվում է մեկնաբանություններում արդեն դասական պոռնոգրաֆի է․․․

Երևի խոր անցյալում են մնացել այն օրերը, երբ կանայք Հայոց աշխարհի փափկասուն էին, կանացի, կամ էլ գո՜նե քֆուր-քյաֆարային ֆլեշմոբերի չէին մասնակցում։ Սակայն Այուսյակ Ալեքսանյանի կին լինելը չէ, որ ինձ հետողորմյայի է հասցնում։ Պարզապես հետաքրքրությունից մղված անցա նրա էջ ու տեսնեմ ի՜նչ․․․ վաշխառուների համար փող «վազվրատ» (մաքուր գողական տերմինաբանություն) անողին առավել ևս ԲՏ համարող օրիորդը աշխատում է Քննչական կոմիտեում, ինքն էլ՝ քննիչ․․․



Ու այդժամ հասկանում ես, որ երբ փաստաբանների պալատի անդամը քֆրչի քրիստոնյա է, իսկ ՔԿ-ի քննիչը՝ գողական գնացող քֆրչի քրիստոնյա, այլևս զարմանալի էլ չէ, որ այս վակխանալիային մասնակցում է մեկ այլ իրավաբան՝ Ռուբեն Մելիքյանը, ով էլ իր հերթին Արցախի ՄԻՊ-ն է։

Հենց այսպես էլ ապրում ենք, մեր սիրած Երկրում, որտեղ փաստաբանը խուլիգան է, քննիչը՝ գողական, գողականը՝ դեպուտատ, դեպուտատը՝ գործարեր, իսկ ՄԻՊ-ն էլ հայհոյախառը ստատուսներում չարաճճիություն է անում․․․

Friday, March 2, 2018

Իսկ ե ՞րբ է հրապարակվելու ԱԺ-ի սև ցուցակը

Էթիկա՝ տարբեր իմաստներով. «Առավոտ»

6-րդ գումարման ԱԺ-ն հստակորեն ավելի վատն է քան նախորդը: Մեր պատգամավորներից շատերին կարծես ԱԺ թողնելուց առաջ չեն ասել, թե որն է նրանց բուն ֆունկցիան: Մեկն ամբողջ օրը ֆեյսբուքում քոմմենթների է պատասխանում` կռիվներ սարքում, սրճարանների սև ցուցակներ կազմում, մյուսը փաբերում 3-4 հոգանոց հանրահավաքներ է անցկացնում, հանրահավաքի մասնակիցների հետ ապստամբում իշխանություների դեմ, ապա 3-4 նախարարից բաղկացած ժամանակավոր կառավարություն ձևավորում, անձամբ գլխավորում այն ու այդպես ամեն երեկո: Մյուսները լռում են: Հաջորդները լռում են, ապա նախորդներից տարբերվելու համար որոշում խոսել, բայց լավ է լռեին: Ոմանք էլ սպասում են, սպասում մի քանի տարի ու ինչ-որ մի օր, ինչ-որ մեկին ուղղված պաթետիկ ելույթ ունենում, արժևորվում սեփական աչքերում, նստում ու նորից մի քանի տարի լռում:

Լռող ու հազարից մեկ սոփեստություն անողների խումբը հրաշալիորեն ներկայացնում է Շուշան Պետրոսյանը, ով լավ երգչուհի է, բայց ակնհայտորեն վատ պատգամավոր է: Շուշանն ինչով ասես զբաղվում է, բայց ոչ երբեք օրենսդրական գործունեությամբ: Ինչը վատ է, շատ վատ…

Իսկ մենք խոսում ենք, որ խորհդրարանական կառավարման համակարգը առաջադեմ է, լավն է, վառ է, ճիշտ է նախորդից: Որ քաղաքական միտքն այստեղ է ծնվում, բոցավառվում ու սփռվում երկրով մեկ:

Ոնց նայում եմ` ԱԺ-ի սև ցուցակը գրելու և հրապարակելու ժամանակն է:

Friday, December 29, 2017

Պարգևատրում՝ քաղաքական ենթատեքստով. Հովհաննես Հովսեփյանին «Հայրենիքին մատուցած ծառայությունների համար» 1-ին աստիճանի մեդալ է շնորհվել



Այսօր Սերժ Սարգսյանի հրամանագրով «Հայրենիքին մատուցած ծառայությունների համար» 1-ին աստիճանի մեդալով պարգևատրվել է Հայաստանի Հանրապետության Նախագահի վերահսկողական ծառայության ղեկավար Հովհաննես Հովսեփյանը։

Առաջին հայացքից կարող է թվալ, որ շարքային նախատոնական պարգևատրում է՝ առանց որևէ քողարկված ենթատեքստերի, սակայն իրադարձությունն այդքան շարքային չի երևում, եթե հաշվի ենք առնում նոր Սահմանադրությամբ նախատեսված վերահսկողական ծառայությունների միավորման փաստը:

Ու հենց այս ենթատեքստում էլ խիստ հետաքրքիր է դառնում Հովսեփյանի պարգևատրումը նման աստիճանի մեդալով: Կարելի է ենթադրել, որ երբ այդ միավորումը լինի, զուտ հռետորական է դառնում այն հարցը, թե ում են վստահելու նոր միասնական մարմնի ղեկավարումը:

Wednesday, December 6, 2017

Հայկազ Բաղմանյանն առաջին ծիծեռնակն էր

Похожее изображениеԲաղմանյանն առաջին ծիծեռնակն էր (թող ինձ ներեն ծիծեռնակները), ու ես կարծում եմ, որ դեռ էլի մի քանի օդիոզ գեներալների գլուխներ են թռչելու մինչև 2018 թվականը։ Սկզբունքորեն չեմ ուզում վերստին կրկնել այն բազմաթիվ ու բազմապիսի փաստարկները, թե ինչու պետք է Բաղմանյանը պաշտոնանկ արվեր, որովհետև դրա մասին շատ է խոսվել։ Թերևս արժի միայն նշել, որ շատ քիչ հավանական է, որ առաջնորդվեն հանրային պահանջով ու Բաղմանյանի նկատմամբ որևէ սանկցիա ու պատժամիջոց կիրառեն՝ պայմանով, որ Բաղմանյանը պոզերը չի տնկի ու չի սկսի սաբոտաժ ու առավել ևս՝ հակաիշխանական զեղումներ։ Ըստ իս՝ կոմպրոմիսը հենց դրանում եղել է․ գեներալներն առանց ավելորդ աղմուկի ու կոնվուլսիաների գնում են թոշակի ու ստանում են ինդուլգենցիա՝ գործած մեղքերի համար։
Վերադառնանք բաղմանյանա-խաչատուրովական պելյադայի հետագա ճակատագրին։ Վաղուց արդեն աներկբա փաստ է, որ բանակի զարգացման ու առավել ևս՝ այն արմատական ռեֆորմների կայացման համար, որոնք ակտուալ են հիմա, գլխավոր խանգարող հանգամանքները բանակային վերնախավում ոսկրացած ու ճարպոտած, գեներալական կոչումով մի քանի հանգույցներն են։ Նրանք մարմնավորում են արխաիզմ ու ռեգրես, ուստի նրանցից ազատվելն օրվա հրամայական է ազգային անվտանգության տեսանկյունից էլ, Սերժ Սարգսյանի հետագա ռազմավարության տեսանկյունից էլ։
2018-ին ընդառաջ Սարգսյանը խնդիր ունի երաշխավորելու ուժային կառույցների տոտալ լոյալությունն ու պրոֆեսիոնալիզմը, իսկ մյուս կողմից էլ խիստ կարևոր է, որպեսզի դաշտում նա միակ մարտիկը չմնա։

Նաև այս տեսլականի կոնտեքստում է տրամաբանական, որ գործողությունների քարտ բլանշ է տրվել Վիգեն Սարգսյանին․ չէ՞ որ նույն Բաղմանյանին կարելի էր պաշտոնանկ անել ոչ պակաս մեծ շուքով, բայց այնպես, որ փառքի դափնիները գնային Սերժ Սարգսյանին, սակայն արվեց այնպես, որ հանրությունը հստակ հասկանա, որ այդ որոշումն առաջ է տարվել հենց Վիգեն Սարգսյանի կողմից, ասել է, թե՝ Բաղմանյանին «գործից հանել է» Վիգեն Սարգսյանը։ Նման մատուցումն ավելացնում է պաշտպանության նախարարի թե՛ քաղաքական կշիռը, թե՛ հանրային համակրանքի սանդղակը։ Ինչ մնում է գեներալական աստղերով մյուս «ծիծեռնակներին», ապա կարծում եմ, որ մինչև գարուն էական ափդեյթ կլինի ու հատկապես՝ գլխավոր շտաբի առանցքային հանգույցներում։

Wednesday, November 15, 2017

«Դասադուլ» դիվերսիոն գործողությունը տապալվեց․ ձախողումների շղթան շարունակվում է

Картинки по запросу ԴասադուլԱյսպիսով՝ կարելի է արդեն արձանագրել, որ տարկետման հարցի շուրջ կազմակերպված «Դասադուլ» հատուկ դիվերսիոն գործողությունը տապալվեց։ Այն տապալված էր արդեն երեկ, երբ ուսանողները դասադուլ հայտարարեցին, ինչից հետո իրադարձությունները սկսեցին էժան կրկես հիշեցնել․ մի քանի ժամ տևած դասադուլից մարդ վատացավ, այսօր Բաղրամյանը փակեցին ուղիղ 15 րոպեով, իսկ հետո ցրվեցին, օրենքն ընդունվեց․․․ Կարծում ենք, որ այս փուլում արդեն բոլորի համար ակնհայտ է, թե ովքեր էին քաղաքական այս կարճ բենեֆիսի իրական բեմադրողները։ Տարակուսանք է առաջացնում թերևս այն, որ անգամ մարդավարի չէին բարեհաճել քողարկել այն բոլոր սպիտակ թելերը, որոնցով այս գործընթացի լեյտմոտիվ դեմքերն ու մոխրագույն կարդինալները կապակցված են իրար․․․ Ինչևէ, առավել հետաքրքիր են ձախողման պատճառները։ Թվում է, թե շատ հարմար թեմա էր ընտրվել, որպեսզի սոցիալական այնպիսի շարժում ձեռնարկվեր, որը կսասաներ Սերժ Սարգսյանի թիմի դիրքերը, բայց այս խաղը ձեռնարկողները լավ չէին հաշվարկել իրենց խաղաքարտերն ու դրույք անելով տարկետման հարցի միայն էմոցիոնալ կողմի վրա՝ մոռացել էին մի շատ կարևոր բան։ Այո՛, բանակին վերաբերող ՑԱՆԿԱՑԱԾ հարց բարձր էմոցիոնալ ֆոն ունի մեր ժողովրդի համար, բայց ամեն հարց չէ, որ միանշանակ ընկալում ունի։ Նույն տարկետման հարցը հենց դրանցից է։ Այո՛, կան մարդիկ, ովքեր առաջին հերթին էմոցիոնալ մտածողություն են ցուցաբերում ու սկսում են բողոքել, դասադուլներ անել, հիասթափված արտագաղթել ու չարանալ, երբ խոսքը գնում է տարկետման մասին։ Դրանք առավելապես այն մարդիկ են, ովքեր տարկետման համակարգի շահառուներն են, նրանց հարազատներն ու, միանշանակ, բոլոր այն մարդիկ, ովքեր պլանավորում են տարկետման միջոցով խուսափել զինվորական ծառայությունից։ Սակայն կա մարդկանց մեկ այլ, ոչ պակաս մեծ խումբ, որը նույնքան էմոցիոնալ մտածողություն է ցուցաբերում ու համարում է, որ անարդար է, որ մեկը ծառայի, իսկ մյուսը, գիտնական խաղալով, խուսափի ծառայությունից, արդարացված չէ համարում, որ հազարավոր տղաներ խրամատներում իրենց կյանքը վտանգեն, մի քանի հարյուր գանգրահեր, մորուքավոր տղաներ ու հիփսթեր աչոնիկներ ազգափրկիչ խաղան ու խոսեն արդարությունից։ Էլ չխոսենք այն մասին, որ շատ պարզ իրողություն կա․ տարկետումը վերացնել առաջարկողներն ունեն երկաթբետոնե արգումենտատիվ բազա ու բացի էմոցիոնալ մանիպուլյատիվ հնարքներից՝ կարողանում են բերել փաստեր, թվեր ու տրամաբանական առաջարկներ, ինչը բացարձակ չի ստացվում տարկետման պահպանման կողմնակիցների մոտ։ Մի խոսքով՝ օպերացիան տապալվեց, ու սա հերթական, բայց ոչ վերջին ձախողումն էր։ Եվ մինչ ոմանք փորձում են սրանում տեսնել սոսկ Վիգեն Սարգսյանի դեմ ուղղված դիվերսիոն գործողություն, իրականում հարվածի գլխավոր հասցեատերը Սերժ Սարգսյանն էր։ Հարվածն էլ, ըստ ամենայնի, վերջինը չէր, բայց եղածները մեծ հավատ չեն ներշնչում, որ հաջորդներն ավելի հաջողակ կլինեն։

Friday, November 10, 2017

Ովքեր են «Դասադուլ» օպերացիայի իրական տիկնիկավարները․ նախապատրաստվում է բախում

Երևանում շարունակվում է 2017-ի աշուն-ձմեռ քաղաքական եթերաշրջանի գլխավոր դիվերսիոն օպերացիան, ու այսօր արդեն կարելի է հասկանալ, թե ովքեր են դրանում ներգրավված մարիոնետների տիկնիկավարներն ու ինչ հաշվարկներով են առաջնորդվում։ Հետաքրքրականն այն է, որ անունները սկզբունքային նշանակություն չունեն, ու ամենևին պարտադիր չէ, որ գլխավոր տիկնիկավարը հայկական անուն-ազգանուն ունենա։ Սակայն էական է, որ այս անգամ այդ չարաբաստիկ տիկնիկավարներն ավելի լավ են պատրաստվել դիվերսիոն օպերացիային ու ավելի լուրջ կադրային և մարտավարական մշակման փուլով են անցել, քան դա «Էլեկտրիկ Երևան»-ի դեպքում էր կամ էլ տխրահռչակ Սասնա ծռերի։
Image may contain: 3 people, people standing
Անուններն էական չեն, որովհետև անհատների ուժերից վեր է նախաձեռնել մի բան, որտեղ իրենց ռեսուրսները կմիավորեն Սասնա ծռերի խմբակի անդամները, ՕՐՕ-ական ակտիվն ու ԵԼՔ-ը։ Միակ մտահոգիչ փաստն այն է, թե ինչու են այդքան անզգույշ գտնվել ու նոր «Մաքսիմ Սարգսյան ու Վաղինակ Շուշանյան»-ի քասթինգի արդյունքում ընտրել ակնհայտորեն իրենց վրա մատնանշող մարիոնետների, ինչպիսին ԵԼՔ-ական պատգամավոր Արարատ Միրզոյանի օգնական Վահան Կոստանյանն է։ Սա իրոք տարակուսանք է առաջացնում, եթե հաշվի առնենք, թե ինչ հաջող ընտրություն է կատարված մյուս գլխավոր մարիոնետի՝ Դավիթ Պետրոսյանի մասով․ հա՛մ ծառայած է, հա՛մ Ապրիլյանին է կամավորագրվել, հա՛մ լավ ուսանող է։ Էլ չխոսենք այլ կերպարների մասին, ովքեր այս երկուսի ստվերում մի քիչ աննկատ են մնում, բայց նրանց մեջ էլ կարելի է գտնել վերոնշյալ քաղաքական ուժերի համակիրների ու երիտակտիվի ներկայացուցիչների։
Ինչևէ, այս փուլում արդեն հասկանալի է, թե ինչ դրույք են արել տիկնիկավարները․ առաջին փուլում ստեղծում են բողոքի ալիք՝ երիտասարդության համար հասկանալի ու ընկալելի էմոցիոնալ հարցի շուրջ (տարկետում չի լինելու, բոլորիս բանակ են տանելու), երկրորդ փուլում ցույց են տալիս «ռեժիմի» հետ բանակցելու անիմաստությունը (տապալված հանդիպումները Լևոն Մկրտչյանի, Վիգեն Սարգսյանի ու Կարեն Կարապետյանի հետ), իսկ երրորդ փուլում արդեն պետք է տեղի ունենա էսկալացում, որն իմպուլս կհաղորդի փողոցային պայքարին ու ավելի կմասսայականացնի այն։ Միջազգային փորձն ու գունավոր հեղափոխությունների տեխնոլոգիաները հուշում են, որ դա հնարավոր է միայն բախման դեպքում, երբ մինչև այդ փիառված «պուպուշ ու խելոք այդ երեխաներին» կծեծեն/կնեղեն/ռեպրեսիաների կենթարկեն։ Իդեալական տարբերակում լավ կլինի, որ դա տեղի ունենա ուղիղ եթերով՝ տեսախցիկների առջև, բայց եթե անգամ այդպիսի հնարավորություն չստեղծվի ոստիկանության կողմից, միշտ կարելի է կազմակերպել բեմադրություն, ու արդեն կապտուկներով ու քերծվածքներով մարիոնետները կսկսեն տեսախցիկների առջև պատմել, թե ինչպես անհայտ անձինք իրենց բռնության ենթարկեցին ու սպառնացին, որ ակցիաները չդադարեցնելու դեպքում ավելի վատ կլինի։ Ընդ որում՝ չի բացառվում, որ տիկնիկավարները վաղօրոք չզգուշացնեն էլ իրենց մարիոնետներին, որ հանուն «սուրբ գործի» անհրաժեշտ է ծեծ ուտել, և վերջիններս ամենայն անկեղծությամբ կարող են հավատացած լինել, որ իրենց իրոք «ռեժիմն է» ծեծել։
Ողջ հարցն այն է, թե ովքեր են այդ տիկնիկավարներն, ու մինչև ուր է հասնում մարիոնետների բուրգի գագաթը։ Իսկ հարցերի հարցն այն է, թե հանուն ինչի է այս ամենն արվում և արվում հենց հիմա։ Կրիմինալիստիկայի մեջ մի հայտնի սկզբունք կա՝ միշտ փնտրեք, թե ում է սա ձեռնտու։ Դա դեռ այդքան ակնառու չէ, բայց ամեն ինչ տանում է նրան, որ ի վերջո ռուսական «գազային» հետք է հայտնաբերվելու, իսկ շահողների կաբինետները լինելու են հենց պետական համակարգում ու դրա ոչ ամենացածր էշելոններում։